Nova Istra

43 Nada GALANT SUVREMENA KNJIŽEVNOST MALAVI VA AFRIKE uon s ton svojuon gitaron s kuon grie od sela do sela i sope neko svojo muziko to je sejni guš kako kat san jas slavila prvi maj kad san bila minja kad mi se je zaparalo da bi se muoralo to slavit i ča bi reć da nien ne i kako so me bliedo gledali da ča ću ja to prit van kat bin tako minja slavila prvi maj pak san pisala transparenti i kitila z ruožicami dubi naokoli kući... puna kuraja a uon grie s ton svojuon gitaron ko se je sam zmisli i stori i si so veseli kad sope i kanta i svi pliešo, aš uon in zbudi nešto otruojče magari i oni va sebe kantajo „začstemutodali“... pak kade so tu filharmoniji, orkestri, sastavi muzičke škuoli meštri i majstori uon si zame to sojo gitaro i šiška od sela do sela i kamo got pride tamo pliešo kako uon sope... a ja nisan ni sigurna ja li rabi slavit ti prvi maji