Nova Istra

42 SUVREMENA KNJIŽEVNOST Nada GALANT A kako se ti zoveš mi je bilo na vrh zajika?/ Si mi ša pokazat kade držite kokoši da viš kakovi kmeti ste. Kokoši so bile biele kako minje ofčice, a hranili ste ih z jagodicami ke so samo počele šaret, posložene va dugi riedi, po četiri i kokoši so ih zobale, jeno po jeno, riet po riet. Tu san prišla va se, ma nisan nič rekla nanke kat san videla da trava zdola ni speštana nego feška i zelena kako avrila, ni nake kat smo odjedanput bili puli Baldeti na meste one kući kie sat ni, a ko san gledala kako se ruši kroz leta, i kako nien ne prihaja tamo I kako so svi već zabili ki je tamo biva... Ja bravo – Zoltan se zove moje srce. /Po one škatule z nekega filma, ka je mogla gambijevat deštini./ Ni nan se pieža šušur kiega so storili nogometaši ki so pasali odnekudar i frmali se va naše oštarije kako da je to anke njihova, aš jušto smo se bili počeli liepo pominjat. Ča ne? Ono kat mi se je srce zvalo Zoltan.